نشرت الممثلة المصرية شهيرة حمدي عبر حسابها على "فيسبوك" منشوراً تحدثت فيه عن آخر لقاء لها مع الفنان المصري الراحل فاروق الفيشاوي قبل وفاته بيوم واحد.
وكتبت حمدي قائلة: "فاروق انت مشيت. هو كده خلاص يعني. !! ؟؟يا أجدع وأحب خلق الله من أمبارح وانا مش مصدقة لأن قبلها بيوم كنت عندك في المستشفى وكانت الزيارة ممنوعة، بس انت لما عرفت اني موجودة طلبتني أدخلك، وقضيت معاك فوق النص ساعة من المرح والضحك وكأنك لست مريضا وفي حاله خطرة".
وأضافت: "كنت قوياً ومتجاهل ما أنت فيه. وتحكي حكايات من هنا وهناك كأنك تعاني من نزلة برد ونزلت من عندك راضية بروحك المعنوية المرتفعة. لذلك كانت صدمتي كبيرة لما بسأل عنك تاني يوم قالولي أنتي آخر صديقة شوفتيه في حالته الطبيعية لأنه النهارده راح في غيبوبة. طب ازاي ده كان كويس أمبارح بروحه العالية ده كان بيضحك ده كان بيحكي على نوادره مع صديقه محمود الجندي وعلي فلان وعلان. طب ازاي بسرعة كده. طب ازاي ازاي !! سبحان الله (بين طرفه عين وأنتباهتها يغير الله من حال إلى حال )".
وتابعت: "دموعي تتسابق مع نفسها ولا تريد تهدأ. طب ازاي وانت من أعز الأصدقاء للعيلة كلها وانهيار أبني عمرو بالبكاء عندما رأي النعش بتاعك أمامه، وشريط ذكريات أؤنكل فاروق أمامه. الشهامة والرجولة والجدعنة. أنت يافاروق وصاحب المواقف الصعبة مع كل الناس مستحيل لم تترك بصمه مع كل من عرفك وأقترب منك. مع السلامه يا حبيبي".