نق فليكس:
العمالة الأجنبية عنوان كبير كتبوا الوزير كميل بو سليمان لحماية اليد العاملة اللبنانية من عبء الركود الاقتصادي وتزايد اعباء موازنة الحكومة...
وطبعًا بعيدًا عن العنصرية والتعصب الممنهج من بعض الفرقاء السياسيين لتعليب جهود الوزير بو سليمان وحصرو بالزاوية باعتبار للي عم يعملو جرم بحق الانسانية...
وطبعًا صار التيار الوطني الحر محاضر وأستاذ بالعفة الانسانية وحقوق الأجراء والعاملين الأجانب لانو جماعة العهد القوي طبعًا عايشين بسويسرا الشرق وما في شي قاهرن
خيي اصلًا انتو كيف الكن عين تحكو؟ وانتو بتآمنو بالطائفية المناطقية الرجعية بمناطقكن خاصة، لك انتو ببلدية الحدث قومتو الدنيا وما قعدتوها، ومستغلين سكوت حليفكن الشيعي كونكن بتتعاملو معي بمبدأ: حكّلي تحكّلك، وزاركينو عطول بالامر الواقع
لك حتى بزيارة الصهر القوي عالجنوب شفنا السكوت عارم بالأجواء الجنوبية وشفنا حشود اسمالله من يأجوج ومأجوج عم تستقبل الصهر القوي وهوي بعدو ما عارف إنو ما في حدا متقبلو بهالوطن والدليل التحالف الخماسي غير المباشر بين المردى وأمل والاستراكي والقوات والمستقبل على سياسات الباسيلية غير المنطقية.
على كل حال واقفين ضد سياسة الوزير بو سليمان ومعتبرينا طائفية ونسوا تويتات الوزير الباسيل عن المرأة المتزوجة من فلسطيني وسوري أو عربي وانو هيدي العنصرية العربية بعينا...
ومع ذلك نعم للعمالة اللبنانية فوق كل الاعتبارات أما العمالة الأجنبية فمش ممكن نرفضا إذا كانت بإقامة شرعية ومرخصة من الدولة اللبنانية.