وردّت مريم البسام: "شو الخميس تلة ال تلات تمانات؟ منصة؟ قناص بجبهة حرب؟ الخميس برنامج ناجح جداً ما يتحول لمنصات كرمال حضرتك صرت منتج برنامج آخر، بدك تربح ما تستقوي ع غيرك وتهدد بصواريخ هوائية، قد ما كنت ناجح قد ما منحترمك أكتر إذا اعترفت بحقوق الغير. انو شو بتهددنا صرت بالخميس؟ هلا بالخميس".
ليرد حداد بدوره: "مين قرّب صوبك؟ أنا الخميس بعطي موعد للناس اللي بضحّكن... دفاعي قلتو بأول جزء من التغريدة، وعفكرة انا مش منتج ولا برنامج... بموضوع الاستقواء، فأنا حر شو بقول ببرنامجي متل ما انت حرة بمقدماتك وخليك برا الموضوع لانو كل بلاغتك ما بتشيلك من جورة الوحل اللي منوقع فيا كلنا".
وانتهت هذه الحرب بتغريدة أخيرة من البسام: "انو كل ما شخصية نجحت وصارت فذة بدا تستقوي عالبشرية ليه خيي؟ افش ادارة تقلك خلصنا بقى؟ ناجح عظمتك وغاية في الهضامة والاول ع دفعتك، نهار الخميس وبكل يوم بتقرروا بتكون الاول وع راسنا ورح نضحك ونتسلى، بس هيدا الشي ما بيخليك رامبو. اتتسلاش فينا ولا على حقوق الناس". ليختم حداد بدوره تغريدته: "عمين استقويت، صرلنا اسبوع ساكتين وانتو نازلين شير لإعلان تضليلي مركب... فكرتونا لقمة سائغة وصار بدكن تطلعوا تاكلولنا راسنا... هلق بالتغريدة في حقايق تجاهلتيا وركزتي عالنهاية... عظيم المعادلة واضحة، بتطلعو بالعالي منرد بنفس المستوى مين ما كنتو تكونوا".
وخرقت سلسلة التغريدات، تغريدة لكارلا حداد شكرت فيها حداد على دعمها وقالت: "يقبرني ربّك".