على خلفية نقل الباخرة الثالثة من الزهراني إلى كسروان، والتي من المفترض أنها ستؤمن ما بين 22 و24 ساعة كهرباء، عبّر أهالي الجنوب عن موجة غضب هائلة لجهة نقل الباخرة، علماً أن مناطق وبلدات الجنوب في الفترة الحالية تعاني من إنقطاع التيار الكهربائي لساعات طويلة طيلة اليوم، الأمر الذي أدى إلى إنزعاجهم من تأمين الكهرباء في مناطق لبنانية وبقاء "الجنوب مطفي" على حد قولهم.
وفي هذا السياق، أطلق رواد موقع "تويتر" لاسيما أهالي الجنوب هاشتاغ " #الجنوب_مطفي"، كتعبيراً عن رفضهم لإنقطاع التيار الكهربائي في الجنوب من جهة، وما يعانيه الجنوب من إهمال وأزمات كالنفايات والتلوث وغيرها من جهة أخرى.
وبدورها، غرّدت ناشطة قائلة: "ع اساس كنا عايشين بنعيم بالجنوب: ريحة الزبالة بتقتل..كهربا بنستغرب بس يجبوها أكثر من 6 ساعات ومنقول "أكيد في شي مسؤول بالمنطقة".. كل شهر بنشتري مي كرمال ما بتوصل للخزانات بس يحولوا خط المي لعند X من الناس.. وبالمناسبة شط #صور عم يسرقوا حالياً".
كما وقال غيرها: "الباخرة بتعمل امراض سرطانية اما الزبالة قضاء وقدر..."
ومن جهة أخرى، ربط البعض الموضوع بالأمور السياسية، حيث قال أحدهم: "يا لطيف شو سهلة مواجهة الإسرائيلي والتكفيري والدني كلها قدام مواجهة الفساد بالداخل..."، وغيره قال مازحاً: " يرضيكم تجي كهربا بعدين اسرائيل تضرب؟ مش حرام الفلوس تروح؟"، كما وقال ناشط: "هي القصة فيها وما فيها إنّو كترة الانارة بتخلي الاسرائيلي يكشفنا ويستدل على أهدافه الاستراتيجية. مع العتمة الكاملة بيضل عنصر المفاجأة معنا. سلامة فهمكن #الجنوب_مطفي".
وغيره قال: "بوجود هيك نواب اكيد الزبالة بالشوارع. والجنوب معتم والفساد معشش والمافيات شغالة خرجنا اكتر من هيك والخير لقدام".