" منحب نذكر سماحة السيد فقط
ونقلو سماحتك حملت
مسؤولية التقصير لتيار المستقبل من 92 لقبل سبع سنوات مش هيك
قال سماحته
طيب
ب 98 ثورة الجياع بوجه مين كانت
ب 98 مين اللي استقبل الشهيد رفيق الحريري
ب 98 أديش كان الدين العام واليوم أديش
كمان حضرتك حكيت عن كتيب في خدمات
وقلت يتضمن مستشفيات ومدارس
وكهرباء وماء
أي مدارس المهدي والمصطفى الفقير ما بيقدر يعلم فيها وهي إلكن
المستشفيات أي مستشفيات ؟
الكهرباء أي كهرباء
ياسماحة السيد
ليش بدك تنسبنا لتيار المستقبل اللي تحالفت معو بال 2005 وانت شريكو بالحكومة
ليش بدك تدفعنا ضريبة إنتماء ونحن دفعناها بالإنماء
نحن ناطرينك لتهدي النفوس مش لتشحنا
من جديد ويرجعو الإخوة يسبو بعض
خدو نواب خدو سلطة
خدو اللي بدكن اياه
بس نحن كمان منفكر
ومافينا نلغي اللي بدو يدعمنا
ياسماحة السيد نحن منحبك ومنحب المقاومة ومنفديها بدمنا بس نحن ماعاد فينا نتحمل وعود وتصنيف وتوزيع كرامات
معركتنا إنمائية ومعنا مشكلة مع كل التيارات
أبدا على مسافة وحدة
من الجميع
بس إنت أقرب إلنا بالمقاومة اللي ثقافتنا كلنا
وأنت أولى بالحفاظ عليها ".