حلّ رئيس حزب الكتائب النائب سامي الجميّل ضيف الحلقة السادسة من برنامج "دق الجرس" عبر الـMTV في مواجهةٍ جريئة مع الأطفال الذين لم يوفروه، وطرحوا عليه تساؤلاتهم الجريئة في الحياة الشخصية كما السياسية.
ومع الأطفال، كان سامي الجميّل هادئاً، فأعطى كلّ سؤال حقّه من الجواب، وكان باعترافه الشخصي صادقاً إلى أقصى الحدود.
وفي ختام الحلقة، أهدى الجميّل كل واحد من التلاميذ أرزة بإسمه مزروعة في محميّة أرز الباروك.
• ومن أبرز ما جاء في الحلقة على لسان النائب سامي الجميّل التالي:
• "أنا ما بحِبّ يعيّطولي شيخ، وبالـ 2018، ما بقا لازم نستعمل ألقاب"!
• "بأول 8 سنين من حياتي، ما كنت شوف بييّ إلا 10 دقايق بالأسبوع. بس بعد ما نفيونا ع باريس"، سنحت لي الفرصة لأتقرّب منه وأتعرّف عليه أكثر.
• عندما رأيت زوجتي كارين في القهوة في فرنسا، تشجّعت لأتحرّش بها، فكتبتُ إسمي ورقمي على ورقة صغيرة، وأعطيتها إياها خلال خروجها.
• "متل ما بدافع عن حق الناس بإنّو يتزوجوا مدني، أنا من حقّي إتزوج كنسي، لأنه أنا بحِبّ هيك".
• "منذ استشهاد بيار، وأنا عم فكّر شو رح أعمل بعرسي، وكنت رح خلّي كرسي فاضية مع صورته عليها، بس لما كبر إبنه أمين شفت صورة بيار فيه، فقرّرت يكونوا اشبيني الأمينيْن: أمين بييّ وأمين إبن خييّ".
• "كنت مخانق مع خييّ وبييّ وكل العيلة، لأنه ما كنت مقتنع بشي، تخانقت مع الكل وفلّيت، وفتحت ع حسابي".
• "أنا ضدّ عقوبة الإعدام من زمان، حتى مع إللي قتلوا أخي بيار".
• "بندم كتير لأنه مات بيار وما كنت قريب منه.. ما بتحرز نتخانق مع حدا كرمال موقف سياسي"!
• "في كتير فرق بيني وبين والدي أمين الجميّل، هو واقعي وأنا مثالي، وبرأيي بييّ انظلم كتير".
• "فيه 3 مواقف أخدوها القوّات وبعّدوهن عن القضية المشتركة إللي نحنا مآمنين فيها، وهالمواقف هي الإنتخابات الرئاسية، المشاركة بالحكومة وقانون الإنتخابات".
• "بالسياسة ما عندي ولا صديق"!
• تيمور جنبلاط صديقي، وعندما زارني أطعمته فتّة سبانخ.
• " جبران باسيل مش صديق وما بتفق معه بالسياسة".
• "يقال بإنو وليد جنبلاط هو إللي حطّ إسم ميريام كلينك بالإنتخابات الرئاسية. فيه ناس اتهموا عقاب صقر، بس أنا بقول وليد جنبلاط"!
• "إستشهاد رفيق الحريري هو إللي ولّد الإستقلال التاني لـ لبنان".
• " كل ما إطلع إحكي بالمجلس بيفلّ الرئيس الحريري، وهالحركة ما بتليق فيه، وإذا ما فيه يتقبّل رأيي، فهيدي مشكلة".
• أشرف ريفي بقي على موقفه في موضوع السلاح والمعارضة، وهذا ما أحترمه فيه.
• أنا مع التصويت الإلكتروني في المجلس لفضح النواب، "لأنو شغلن لازم يكون مفضوح ومش مخبّى".
• "مش عم أطلب من سعد الحريري يقشّط (حزب الله) سلاحه بالقوة، عم أطلب منه يقول بإنو هو ضدّ وجود هالسلاح، لأنه ما بيصير يكون عنا جيشيْن".
• " إذا تفاهم الحزب وحزب الكتائب، بتكون انحلّت مشكلة لبنان.. ليه هنّي بدن يموتوا ونحنا لأ، لازم نموت كلنا لندافع عن لبنان".
• "ما كان بدّي ميشال عون يجي رئيس، لأنو رأيو مختلف عن رأيي، لكن ع الصعيد الشخصي عندي محبّة إلو، وبعرف إنو هو عندو معزّة إلي".
• "ما بحلم كون رئيس جمهورية، لأنه ما حدا قدِر يحقّق أهدافه من خلال رئاسة الجمهورية"!
• "وجود هالمسبحة بإيدي بتريّحني وبتحسّسني بوجود يسوع إلى جانبي".
• "لو ما فيه كاميرا عم بتصوِّرنا، كنا عملنا حفلة كاراأوكي هون سوا"!
• راغب علامة صديقي،"ساقبت إجا لعندي نهار الجمعة، فأكل مجدّرة، وحبّها كتير، وطلب يتصوّر معها"!