نشرت الناشطة ليلى حيدر مظلوم رسالة لوزير التربية مروان حمادة طالبته فيه بتعديل المنهاج التربوي وجعل التعليم فقط في دوام المدرسة.
وجاء في رسالة مظلوم " حدا ممكن يوصل رسالتي لوزير التربية ??!!
بصراحة المنهاج بالمدارس اللي بسمع فيها او بعرفها… منهج قاسي مع الطلاب ..المفروض يكون الدرس بس بالمدرسة… وعالبيت ما ينبعت شي الا للضرورة ..عميجي الطالب عبيتو بوقت متفاوت ما بين ل ٢ ول ٣ ..طيب لحتى يتغدى ويصلي… ويرتاح شوي بتكون صارت اربعة… من الساعة اربعة لل ٦او ٧ او ٨ واحيانا اكتر هوي عميدرس ..طيب عنجد هيدا عدل ???وحتى بالعطل اللي بياخدوها ..بكون عندهن دروس عن شهر او شهرين ..لازم ينرحمو الطلاب ...ومع التعليم بس بوقت المدرسة… وحتى الاستاذ،لازم يكون عندو ساعات يصحح فيها مسابقاتو وهوي بالمدرسة عشان لما يرجع عبيتو ما يكتئب. هوي كمان…
لازم يتعدل المنهج والطريقة بالتعليم… لراحة الطلاب والاساتذة !!!!
ممكن تعملو مشاركة للمنشور .."
ويعاني الطلاب في لبنان من مشاكل في كثافة الدروس والواجبات المنزلية حتى بعد إنتهاء دوام المدرسة ما يؤثر سلبا على وضعهم النفسي والصحي وحتى التعليمي.
ونأمل من وزير التربية أن يتجاوب مع هذه الرسالة لإيجاد الحلول المناسبة.