أمي

عذراّ للشعر

عذراً لليشعرون.
مو أني لأكول جروحي ليصرخون.
كمت اكتب شعر، بس لأمي مو للغير؛
لأن أمي وصف وأحساس عايش بيه.
أمي:
مضيف. دله، وصوتها الفنجان.
سجادة صلاه، وناطره الآذان.

أمي:
الطيب أصلج والفرع ريحان.
أمي:
خلاف عينج دايخ وحيران.

أمي:
دموع عيني جاريه، جريان.
وفراكج صعب، ولغربة هم نيران.

أباوع للنجف مثل الطفل ولهان.
بلكي تصيح أمي، هلا، ها يفلان.

يمه نشلع كلبي بيوم عفتيني.
وسجادة صلاتج صايره بعيني.

يا أبو حسين كلبي ليوم يمك صار.
يل طبعك كريم، وانت حامي الجار.

وما خاب الندب بالشده يا كرار.
وما خاب الندب حيدر علي المختار.

صادق حميد