إتعرفت على شاب، حبيتو ما بعرف إذا حبني، صارت عنا رغبات ممزوجة بالشهوة، ما مشكل بنام معو بدو ياني بلا ما أنطر لأتزوج، لمستو نستني الدنيي حسيت حالي ضايعة بعالم تاني، ما فئت إلا وأنا بين إيديه وصار اللي صار..
ما قدرت إنسى هالليلي، صار عندي رغبة نكررها، ما فكرت بالعواقب، المهم أوصل للنشوة مع اللي وعدني بالزواج وبالحب وبالأيام الحلوي..
إتفاجأت لما بطني بلش ينتفخ، المصيبة وقعت "أنا حامل" ما إلي حل إلا إحكيه لنتزوج.
لما سمع الخبريي طار العريس والأحلام الوردية إختفت صرت فكر كيف إخفي غلطتي عن العالم، كيف بدي خبي طفلي اللي رح يكون ثمرة علاقة غير شرعية، ما كان فيي أجهضو، حملتو 9 أشهر وبالآخر كبيتو بالزبالة بدون رحمة وبدون أي قلب.
تركت قطعة من روحي تبكي، ما تطلعت بهالوج البريء ولا فكرت فيها، همي إخلص من المصيبة وما لطخ شرف عيلتي،..
الطفل غلطة بلحظة نشوة بس شو ذنبو يموت عالزبالة؟
مش قد المسؤولية ما تعملي علاقة غير شرعية.. غيرك عم يموت ليجيب ولد وعم يعمل عمليات لحتى يلي سمع صريخ طفل ببيتو، بس الله بيعطي الحلاوة للي بلا سنان ..
هذا المقال ليس إلا عرض لواقع مؤلم في لبنان وتجدر الإشارة إلى أنه عثر صباح اليوم في طرابلس على رضيعة تبين لاحقًا أنها نتاج علاقة غير شرعية وقذ تخلصت الأم منها بمساعدة والدتها وشقيقتها اللتين تم إيقافهما للإشتراك بالجريمة.