تطلقت الممثلة السورية تولين البكري بعد يومٍ واحد من زواجها، وذلك لأن أهل عريسها لم يوافقوا على زواجه منها لكونها سيدة مطلقة.

واعتبرت أن هذا الطلاق ناتج عن عنف معنوي يُبنى على نظرة المجتمع المجحفة بحق المرأة المطلقة.  

وكتبت "البكري" موضحة عبر حساباتها الخاصة على مواقع التواصل الإجتماعي: "رفقاتي...حبايبي..لكل اللي فرحولي من قلبون..ولكل اللي باركولي وتمنولي الخير..بقول..

ومتل ماكنتوا معي نضاف وبقلب صافي وبمحبة فرحتوا لفرحي أنا واجبي بادلكم بنفس الصدق والصفاء وشيل كل تساؤل واشارة استفهام عم تفكروا فيها..بما أني بعد يوم من إعلان زواجي شلت كل الصور ..أنا رح واجه مشكلتي معكم لأنو أد ماخبيت مافي شي بيدوم..ومافي داعي لخبي لأني ماغلطت..بالعكس..أنا متلي متل أيا أنثى..بتحلم بالاستقرار والأمان والدفا والعيلة والحب..

ارتبطت شرعآ بشب أبن عالم وناس وتزوجنا بعد ماتقدملي بشكل رسمي وحكا مع أهلي وطلبني على سنة الله ورسوله..ولكن للأسف كان لأهل هالشب اعتراض عليي ومآخذ..بما أنني مطلقة وممثلة و..و..الخ..واجبروه على فسخ عقد الزواج القائم بيننا..ماعندي شي خبيه لأني ماغلطت كل ذنبي كان أني طلبت الحلال مع هالشب..وبالنهاية كل شي لخير أكيد.وقسمة ونصيب

.بس حابة قول لكل أم عندها شب عم تدور لأبنها على عروس من وجهة نظرها أخلاق هالعروس بتنطلق من عذريتها بحب قول لهالأم..ياسيدتي عذرية الروح أهم بكتير من عذرية الجسد...وبعتذر من أهلي قدام الكل لأني حطيتون بهالموقف بدون أي ذنب..شكرآ   والجدير بالذكر أن لعنة الطلاق السريع تبدو وكأنها حلت على الممثلات السوريات اللواتي تطلقن بسرعة.

 

فإلى جانب "البكري" تطلق "نظلي الرواس وجلال شمّوط،" وكما انفصلت الفنانة رواد عليو من زوجها، وتطلقت الفنانة أمل عرفة من زوجها الفنان عبد المنعم عمايري، كما سبقتها الفنانة جيني إسبر من المنتج عماد ضحية.