ردَّ الصحافي في قناة الجديد رياض قبيسي على زميلته نوال برّي عبر صفحته الخاصّة على موقع فيسبوك بعدما استفزته بستاتوس كانت قد كتبته أمس الأحد تقول: “هيك بيكون الشعب وصل الشعب لمحل انو الزبالة رح تاكلو.. أنا بأي لحظة بحس رح احرق هويتي اللبنانية أو فل من هالبلد.. صرت استحي اني كون من هالبلد.. عن جد تفيييييييييييييييييييييييه”.
فكتب قبيسي متهكماً على برّي: “الذي كتب معلقات في مديح الزعيم، وحب الزعيم الذي ورثه أباً عن جد، لا يحق له الان ان ينبس ببنت شفه، وانو يابا شو هل وطن، ويا حرام شو صار فينا، وانو بدو يهاجر. يا با انت احسن شي بتعملوا و بتعمليه انك تسدوا و تسديه.
وكانت نوال برّي قد نحرت استقلاليتها حين أعربت عن حبّها لرئيس مجلس النواب نبيه برّي وبالتالي عن انتمائها إلى بلدتها تبنين واستطراداً انتمائها إلى فئة معيّنة من اللبنانيين، وهي الفئة التي هاجم ممثلون عنها شباب الحراك المدني في وسط بيروت وعاثوا حرقا وتكسيرا. وقد وقفت نوال بري ضد الحراك مؤكدة أنها لا يمكن أن تكون ضدّ الرئيس بري وتوقفت الإدارة عن انتدابها لتغطية نشاطات الحراك.
وأوضحت بري بعد سيل من التعليقات: “كرمال ما نطول سيرة.. رح اختصرا على كل يلي عم يسأل ويتسآل.. في مثل بيقول “من نكر اصله لا اصل له”.. انا ربيت بضيعة اسما تبنين وبحارة اسما حارة آل بري.. وبين عيلة كبيرة بتوقف حد بعضا بالفرح والحزن وكلنا ربينا كولاد عم.. وبيي علمنا من اول ما خلقنا انو في زلمي اسمو نبيه بري هيدا كبير العيلة وهيدا يلي رافع راسنا.. وفي عنا بالحارة شخص هو الحاج عبدالله زاد محبتا فيه للرئيس لان شفنا نعم التربية والاخلاق ولان حج عبدالله كان وبعدو واقف حد العيلة بالصغيرة والكبيرة وبيو وراه.. ما رح اجي اليوم بيع مواقف يمين شمال لتقولوا عني موضوعية.. رح يضل الرئيس كبير عيلتنا.. ورح ضل انزل اعتصم بالحراك الشعبي لطالب بحقوقي كمواطنة.. فيك ما تحبو وتنزل وفيي ضل محترمتو وانزل طالب معك بحقوقنا المشتركة.. ورح ضل موضوعية اكيد بشغلي لان انا بفضل اي موضوع خصو بالعيلة ما اشتغل عليه.. في غيري مراسلين كتير.. بعتقد وضحت الصورة..”
(حسن حمود)
