أعلنت الإعلامية ديما صادق عبر حسابها على “فيسبوك” أنّها تعرّضت لموقف غير اعتيادي لدى عودتها إلى المنزل ليل البارحة.
وكتبت صادق ما يلي: “مبارح بالليل واصلة بأمان الله على بيتي . فجاة بطب بوجي عاصفة صحراء قوى أمن داخلي عَل بوابة . بجي بدّي صف بالباركينغ بلاقي عاصفة صحراء تانية بقلب الباركينغ .
عنصر قوى الأمن : من فضلك صفي ع جنب بدنا نفتش السيارة ( ونحنا بقلب الباركينغ من جوا، يعني أكيد املاك خاصة)).
انا: نعم؟
عنصر قوى الأمن: من فضلك بدنا الكلب يشم السيارة .
انا: نعم ؟! أكيد شكلي عّم شوف واسمع غلط .
العنصر: مدام في شخصية كتير مهمة معزومة لعندكم عالبناية ولازم نفتش كل السكان .
انا: حبيبي هيدا بيتي انا والشخصية اللي عّم تحكي عنها مين ما كانت تكون هي اللي جاي لعندي عالبناية، يعني هي ضيفة وانا صاحبة الملك، بأي منطق انا اللي بدّي اتفتش واخضع لقوانينها؟!!!
واقعة صغيرة، تروي الكثير عن كيف ينظر حكام هذا البلد لمواطنيه. نحن اصحاب حق وملك، وهم ضيوف سمجين وقحين يمارسون سلطة ليست من حقهم”.